१७ कात्तिक,झापा ।झापाकाे दमकमा श्रीमतीको कुटाईबाट श्रीमानको मृत्यु भएको छ । श्रीमती ४८ वर्षीया सानुमाया दर्जी र श्रीमान ५५ वर्षीय विदुर नेपालीबीच भएको आपसी झगडामा श्रीमतीको प्रहारबाट विदुरको मृत्यु भएको हो ।
उनीहरुको बसोबास दमक नगरपालिका–९ शान्तिचोकमा पर्दछ । शुक्रबार बिहान आफ्नै घरमा श्रीमती दर्जीको कुटाइबाट विदुरको मृत्यु भएको प्रारम्भिक अनुसन्धानबाट थाहा हुन आएको इलाका प्रहरी कार्यालय दमकका प्रहरी नायव उपरीक्षक दीपक गिरीले जानकारी दिए ।
दर्जी दम्तपत्तिबीच मादक पदार्थ सेवनपछि शुरु भएको घरझगडा कुटपिटसम्म पुगेको थियो । कुटपिटबाट नेपालीको घरमै मृत्यु भएको प्रहरीले जनाएको छ ।
मादक पदार्थ सेवन गरी सधैंजसो झगडा गर्ने गर्थे । सानुमायालाई नियन्त्रणमा लिएर घटनाबारे थप अनुसन्धान गरिरहेको प्रहरीले जनाएको छ ।
मृतक बिदुरको शरीरमा कुटपिटबाट गहिरो निलडाम रहेको र तर धारिलो हतियार प्रयोग भएको नदेखिएको प्रहरीको अनुमान छ । बिदुरको शव पोष्टमार्टमका लागि उर्लाबारीस्थित मंगलबारे अस्पताल लगिएको छ ।
