१७ कात्तिक,काठमाडौँ । क्रान्तिकारी पत्रकार महासंघका केन्द्रीय उपाध्यक्ष नारायण पंगेनी र कार्यालय सदस्य लोकराज जैसी चुनावी मैदानमा उत्रेका छन् ।
नेकपा (क्रान्तिकारी माओवादी) निकट महासंघका उपाध्यक्ष पंगेनी नवलपुर–२ र जैसी बर्दिया–२ बाट प्रतिनिधिसभा लागि उम्मेदवारी दर्ता गराएका छन् । उनीहरुले क्रान्तिकारी माओवादीको चुनावी मोर्चा देशभक्त जनगणतान्त्रिक मोर्चाको तर्फबाट उम्मेदवारी दर्ता गरेका हुन् ।
नेपालमा नयाँ जनवादी क्रान्तिको पूर्णताको अपरिहार्यता छ भन्ने सन्देश बोकेर चुनावी मैदानमा उत्रेका क्रान्तिकारी पत्रकार पंगेनी र जैसीले चुनावी अभियान सुरु गरेका छन् । मोर्चाको चुनाव चिन्ह ‘मुठ्ठी’ मा भोट मागिरहेका छन् ।
राष्ट्रियता, जनतन्त्र-जनजिवीकाका सवालमा जनताबीच लैजाने र सत्ताको लागि चुनावी मैदानमा उत्रेका पार्टीका गलत कामबारे जनताबीच भण्डाफोर गर्न पंगेनी र जैसीलाई चुनावी मोर्चामा पठाएको महासंघका अध्यक्ष इन्द्र रावतले बताए ।
