१६ कात्तिक ,काठमाडौं । अाज दोस्रो चरणको निर्वाचनको मनोनयन दर्ता गर्ने दिन । सबै राजनीतिक पार्टीका नेता-कार्यकर्ताहरु जुलुससहित उम्मेदवारी दर्तामा व्यस्त छन् । नेताहरुले फुलका माला लगाएर अाफूलाई भोट दिन मनोनयनस्थलबाटै अाग्रह गरिरहेका छन् ।
प्रचण्डलगयतका नेताहरु उम्मेदवारी दर्ताको चिन्ता, बालकृष्णहरुलाई जेलमा कसरी रात बिताउने भन्ने चिन्ता र विप्लवहरुलाई बालकृष्णको चिन्ता । सबैलाई अा-अाफ्ना चिन्ता-चासो ठूलो हुनु स्वभाविकै थियो । त्यस्तै दृश्य देखिए ।
माओवादी केन्द्रका अध्यक्ष प्रचण्ड चितवनमा उम्मेदवारी दर्ता गराइरहँदा विप्लवले काठमाडौंमा बालकृष्णको गिरफ्तारीविरुद्ध विरोध प्रदर्शन गरे । नेपाल कम्युनिस्ट पार्टीले काठमाडौंका शान्तिबाटीकामा बालकृष्णको रिहाईको माग गर्दै प्रदर्शन गर्यो ।
जनयुद्धकालिन मुद्दामा बालकृष्णलाई जेल चलान गर्दा समेत जनयुद्धका कमाण्डर प्रचण्डले एक शब्द पनि बोलेका छैनन् ।
