नेपाल कम्युनिष्ट पार्टीले मंसीर १० र २१ गतेको संघ र प्रदेशको निर्वाचनको खारेजीको माग गर्दै आज साझ देशभर सांकेतिक विरोध स्वरुप मशाल जुलुश गरेको छ ।
काठमाण्डौं, मकवानपुर, रुपन्देही, सुनसरी, मोरगं, कपिलबस्तु, रोल्पा, कैलाली, दागं लगायतका जिल्लामा मशाल जुलुश निकालिएको नेकपाका नेताहरुले जनाएका छन् ।
सुनसरीको ईटहरीमा नेकपाका कार्यकर्ताहरुले निर्वाचन खारेजीको माग गर्दै मशाल बालेको सुनसरीका नेता सन्तोष विष्टले जानकारी दिएका छन् ।
यता मकवानपुरमा भएको मशाल जुलुशमा प्रहरीले हस्तक्षेप गरेको नेकपाले जनाएको छ । नेपाल कम्युनिष्ट पार्टीले निर्वाचन खारेजीका लागि चरणवद्ध सघर्ष गर्ने जनाएको छ ।

प्रहरिले दिनभर रातोघर घेराहाले पनि मशाल अर्को ठाउ बाट दन्किए पछि रुपन्देहीमा प्रहरि निरिह भएर फर्कियो । कथित चुनाबको बिरोधमा नेकपा रुपन्देहीले जिल्लाका महत्त्वपूर्ण ७ ठाउमा मशाल जुलुस निकालेको छ ।

मशाल जुलुसमा प्रहरी भने अलपत्र परेको छ दिउँसो देखिनै कडा सुरक्षा मिलाएर कुनै हालतमा मशाल निकाल्न नदिने भनेर चौतर्फी सुरक्षा मिलाएपनि अन्तत प्रहरि असफल बन्यो दिउँसो ४ बजे देखि रातो घर घेराहालेर बसेको प्रहरिले चौतर्फी मशाल दन्केपछि बल्ल थाहा पाएर हिडेको थियो ।

प्रहरि पुग्ने बेला सम्म मशाल दन्काएर नेताहरु सम्बोधन गर्दै थिए तर प्रहरि निरिह भएर फर्किएको थियो ।

यसै गरी प्युठानमा पनि नेकपाले मशाल बाल्नुका साथै आतिसवाजी गरेको छ । यसै गरी ताप्लेजुगंको फुगंलिंग सावा लगायत ६ स्थानमा मशाल बालिएको हाम्रा सहकर्मी आलोक लिम्बुले जनाएका छन् ।