रुद्र बहादुर खड्का
११ कात्तिक÷ऐतिहासिक स्थल सिन्धुलीगढीको २५० औ विजयोत्सव भव्य रुपमा मनाउने तयारी भैरहेको छ । विगत ७ वर्ष अघि पत्रकार महासंघ सिन्धुलीको अगुवाइमा मनाउन सुरु गरेको विजयोत्सव यस वर्ष कमलामाई नगरपालिकाको नेतृतवमा मनाउन लागिएको हो ।
विर गोर्खालीले अंग्रेजहरुलाई पराजय गरेको यहि कात्तिक २४ गते २५० वर्ष पुग्दै छ । सोही सम्झनामा प्रत्येक बर्ष मनाउदै आएको विजयोत्सव यस वर्ष भने भव्य रुपमा मनाउने तयारी भइरहेकोे कमलामाई नगरपालिकाका नगरप्रमुख खड्ग बहादुर खत्रीले बताउनुभयो । एक हप्ता अघिदेअि नै विभिन्न कार्यक्रम गरि भव्य रुपमा मनाउने मनाउने उहाँको भनाई छ । ऐतिहासिक स्थल सिन्धुलीगढीको प्रचारप्रसारका लागि विभिन्न कार्यक्रमको पनि आयोजना गर्ने उहाँले बताउनुभयो ।
विजय उत्सवको अवसरमा कामलामाई नगरपालिकाको तत्ववधानमा नेपाली सेनाद्धारा सिन्धुलीगढी सम्बन्धि तयार पारिएका वृत्तचित्र प्रदर्शन भएको छ । वृत्त चित्र कात्तिक २३ गते सम्म विहान १० बजेदखि दिउसो ४ बजेसम्म प्रदर्शन हुने आयोजकले जनाएको छ ।
