३१ असोज, काठमाडौं । मंगलवार माअाेवादी केन्द्रका मन्त्रीले राजिनामा दिने तयारी गरेकेा समाचार बाहिर अायाे । अपरान्ह उपप्रधानमन्त्री एवं परराष्ट्रमन्त्री कृष्णबहादुर महराले पत्रकार सम्मेलनकाे अायाेजना गरे । महराले परराष्ट्र मन्त्रालयमा अायाेजित पत्रकार सम्मलेनमा सरकारबाट बाहिरिनेबारे जानकारी गराउने सञ्चारकर्मीको अनुमान थियो ।
तर, महराले पत्रकार सम्मलेनमा देउवा सरकारलाई आफ्नो पार्टीको समर्थन यथावतै रहेको बताए । संसद नै नभएको अवस्थामा सरकारलाई समर्थन गर्नु र नगर्नुको कुनै अर्थ थिएन । तर, महराले प्रधानमन्त्री देउवाको कदमको कुनै आलोचना गरेनन् । बरु सन्दर्भहीन रुपमा पत्रकार सम्मेलनमा भने- सरकालाई हाम्रो समर्थन कायमै रहन्छ ।
सरकार छाड्ने वा नछाड्ने भन्नेमा महराको बोली लक्पकाएपछि प्रधानमन्त्री शेरबहादुर देउवाको सचिवालय पनि अल्मलियो । प्रधानमन्त्रीनिकट स्रोतले उल्टै सञ्चारकर्मीलाई सोधे- माओवादी सरकारबाट बाहिरिएको हो कि हैन ?
