युएई, ३ असोज ।
संयुक्त राष्ट्रसङ्घको ७२ औँ महासभामा सहभागी हुन त्यसतर्फ जानुभएका प्रधानमन्त्री शेरबहादुर देउवा आज युएईको अबुधाबीबाट न्युयोर्क प्रस्थान गर्नुभएको छ ।
अमेरीका जाने क्रममा संयुक्त अरब इमिरेट्स (युएई) को अबुधाबी पुग्नुभएका प्रधानमन्त्री देउवा आज बिहान न्युर्योक प्रस्थान गर्दै हुनुहुन्छ ।
युएईको अबुधाबी अन्तर्रा्ष्ट्रिय विमानस्थलमा झरेको प्रधानमन्त्री देउवा नेतृत्वको उच्चस्तरीय प्रतिनिधिमण्डललाई कार्यावाहक नेपाली राजदूत नेत्रबहादुर टण्डनले स्वागत गर्नुभएको थियो ।
प्रधानमन्त्री देउवा काठमाडौँबाट हिजो साझ ५ बजे इतिहाद एअरलाइन्सबाट अबुधाबी जानुभएके थियो ।
प्रधानमन्त्री देउवा नेतृत्वको २० सदस्यीय प्रतिनिधिमण्डलमा उपप्रधान तथा परराष्ट्रमन्त्री कृष्णबहादुर महरा, महिला, बालबालिका तथा समाज कल्याणमन्त्री आशा कोइराला, प्रधानमन्त्रीका परराष्ट्र सल्लाहकार डा दिनेश भट्टराई, परराष्ट्र सचिव शंकरदास वैरागी, न्यूयोर्क्स्थित राष्ट्र संघको स्थायी नियोगका लागि नेपाली प्रतिनिधि दुर्गाप्रसाद भट्टराईलगायत सहभागी हुनुहुनेछ ।
उपप्रधानमन्त्री महरा भने आइतबार नै न्यूयोर्क प्रस्थान गरिसक्नुभएको छ ।
