१ असोज,काठमाडौं । चुनवाको मुखमा माओवादी केन्द्रका पोलिटव्युरो सदस्य लालसिंह काउछा एमालेमा प्रवेश गरेका छन् । पार्टी अध्यक्ष प्रचण्ड चुनावको प्रचारको लागि देशभर दौडिरहेका बेला काउछा अन्य १२ जना नेतासहित एमालेमा प्रवेश गरे ।
एमाले पृष्ठभूमि भएका काउछा माओवादी केन्द्रमा रहँदा पनि एमाले निकट थिए । उनीमाथि पार्टीको योजनाभन्दा पनि गोप्य सूचना एमालेलाई दिँदै आएको आरोप लाग्दै आएको थियो ।
माओवादी केन्द्रका एक नेताका अनुसार पार्टीले कारवाही गर्ने तयारी गरेपछि काउछा एमालेमा प्रवेश गरेका हुन् ।
एमाले अध्यक्ष केपी शर्मा ओलीले काउछासहित शिवजी लामिछाने, प्रेम न्यौपाने, रामबहादुर गिरी, मनोज खत्री, विष्णु शर्मा, हिमालय बख्रेल, बाबुलाल लामा, लोकबहादुर पुन मगर, प्रकाश खाँड, पदमबहादुर कुमाल, दिलकुमारी थापा र उमा हमाललाई टिका लगाएर पार्टी प्रवेश गराएका थिए ।
