यमन दनुवार /उदयपुर ।
बिद्युत कार्यालयको लापरबाहीले भाँचिएको पोलबाट भुइँमा लत्रिएको बिजुलीको तारबाट करेन्ट लागि उदयपुरमा एक बालिकाको मृत्यु भएको छ ।
मृत्यु हुनेमा कटारी नगरपालिका– ३ बस्ने निर्पबहादुर थापामगरकी १३ वर्षीया छोरी मेनुका मगर रहेको ईलाका प्रहरी कार्यालय नायब उपरिक्षक चिरन्जिबी कोईरालाले जानकारी दिनुभयो।
इलाका प्रहरी कार्यालय कटारीले दिएको जानकारी अनुसार कटारी नगरपालिका– ५ स्थित भोर्लेमा आफन्तको घरमा रहेको बेला साथीहरुसँग गाईबाख्रा चराउन जाँदा करेन्ट लागि घाईते भई उपचारको क्रममा मृत्यु भएका जनाएको छ ।
करेन्ट लागेर गम्भीर घाइते भएकी बालिकालाई कटारी अस्पतालमा ल्याइ उपचार गराउँदा मृत्यु भएकाले थप अनुसन्धान भइ रहेको डिएपी कोईरालाले जानकारी बताउनु भयाो । सोही क्षेत्रमा विद्युत कार्यालयको लापरबाहीले पोलबाट भुईमा तार खसेको बालिकाको ज्यान गएको स्थानीयबासीले आरोप लगाएका छन्
।
बालिका कटारीमै रहेको फयुचर इंगलिस बोडिङ स्कुलमा कक्षा ८ मा अध्यनरत थिईन ।
