२७ साउन,कपिलवस्तु । अखिल क्रान्तिकारीले जप्रतिनिधिलाई कालो झण्डा देखाएको छ । पत्रकारलाई समेत छिर्न नदिई प्रहरी लगाएर जबर्जस्त हस्तक्षेपकारी कार्यक्रम गरेको भन्दै विरोध गरेको हो ।
बिहीबार क्याम्पसभित्र छिरेर स्वतन्त्र यूनियनमाथि हस्तक्षेप गरेको भन्दै सिद्दार्थ कलेज क्याम्पसमा क्रान्तिकारीले कालो झण्डा प्रदर्शन गरेर बाणगंगा नगरपालिकाका मेयर र उपमेयरको विरोध गरे ।
स्ववियू सभापति सुशिल खत्रीले एकलौटी रुपमा सम्मान कार्यक्रम राखेर हस्तक्षेप निम्त्याएको क्रान्तिकारीको तर्क छ । हस्तक्षेप गराउन क्याम्पस प्रशासनले पनि साथ दिएको भन्दै विरोध गरेको छ ।
जनप्रतिनिधि प्रवेशलगत्तै अनावश्यक रुपमा सम्मान कार्यक्रम आयोजना गरेर स्ववियूको मर्ममाथि प्रहार गरेको भन्दै कालो झण्डासहित विरोध गर्न बाध्य बनाएको अध्यक्ष रुपा बुढामगरले बताइन् । हस्तक्षेप आफूहरुलाई स्वीकार्य नहुने बताइन् । प्रहरीको बलमा कार्यक्रम गर्न क्याम्पस प्रशासनले सघाएको उनको भनाई छ ।
प्रदर्शनकारीहरुले एकलौटी निर्यण बन्द गर, क्याम्पस प्रशासन मुर्दावाद, निर्वाचित जनप्रतिनिधिहरु मुर्दावाद, स्ववियु सभापतिले राजिनामा दे, क्याम्पस प्रशासन प्रमुखले राजिनामा दे, शान्तिपूर्ण विरोध कार्यक्रममा प्रहरी दमन बन्द गर, प्रहरी क्याम्पस हाताभित्र र्छि पाइँदैन, विद्यार्थीमाथिको दमन बन्द गर, अखिल (क्रान्तिकारी) जिन्दावादजस्ता नारा लगाएका थिए ।
