जनकपुर ,१७ साउन ।
विकास निर्माणकार्यको अनुगमनमा रहेका जनकपुर उपमहानगरपालिकाका कार्यकारी अधिकृत अर्जुनप्रसाद सुवेदीलाई आज स्थानीयबासिन्दाले कुटपिट गरेका छन् । सहरी विकासमन्त्री प्रभु साहकैअगाडि स्थानीयबासिन्दाले कार्यकारी अधिकृत सुवेदीलाई कुटपिट गरेका हुन् ।
सहरी विकास आयोजनाको कामको अनुगमनकाक्रममा जनकपुरको विद्यापतिचोकमा निरीक्षण गरिरहेकाबेला स्थानीयले निर्माणकार्य गुणस्तरहीन भएको र सहरको सरसफाइमा ध्यान नदिएको भन्दै सुवेदीमाथि हातपात गरेका हुन् । स्थानीयले सुवेदीको लुगासमेत च्यातिदिएका छन् ।
उपमहानगरपालिकाका कार्यकारी अधिकृतमाथि कुटपिट भएपछि त्यहाँको अवस्था तनावग्रस्त बनेको थियो । मन्त्रीको अनुगमनकाक्रममा जिल्लाका सुरक्षा निकायका प्रमुखहरु पनि सँगै रहेकाले घटनालाई तत्कालै नियन्त्रणमा लिइएको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
