काठमाडौ ,१२ साउन ।
बर्दिया र कैलालीको सिमाना राजापुरमा कर्णाली नदीको तटबन्ध भासिन थालेपछि आसपासका दर्जनौं गाउँ जोखिम परेका छन् । लगातारको वर्षासँगै कर्णाली नदी बढेपछि कर्णाली पुलको उत्तरपूर्वी तटबन्धमा क्षति पुगेको हो ।
नदीले तटबन्धका तारजाली बगाउनुका साथै एक सय मिटरभन्दा बढी तटबन्ध भासिएको राजापुर नगरपालिका प्रमुख शिव चौधरीले जानकारी दिुभयो ।
तटबन्ध भासिएसँगै नदीले धार परिवर्तन गर्न थालेको र तत्काल तटबन्ध मर्मत नगरिए नदी पुल बाहिरबाट बग्न सुरु हुने बताइएको छ ।
नदी किनारमा रहेका मुक्त कमैयाहरुको बस्ती सबै भन्दा बढी जोखिममा रहेको चौधरीले बताउनु भयो । नदीमा पानीको सतह बढदै गएको र धार परिवर्तन हुनासाथ तटबन्ध पूर्णरूपले भत्किने देखिएको छ ।
हुलाकी मार्ग आयोजना प्रमुख सौरभ वज्राचार्यले तटबन्ध भासिँदै गएको जानकारी पाएपछि प्राविधिकलाई अवलोकनका लागि पठाएको जानकारी दिनुभयो ।
