काठमाडौं ,साउन ९ ।
बाग्लुङमा आज विहान भएको जीप दुर्घटनामा चार जनाको घटनास्थलमै मृत्यु भएको छ । दुर्घटनामा अन्य ६ जना गम्भीर घाइते भएका छन् ।
रन्सीबाट ग्वालीचौरका लागि छुटेको ध १ ज १८४ नम्बरको पिकअप जीप बडीगाड गाउँपालिकामा दुर्घटना भएको प्रहरीले जानकारी दिएको छ ।
दुर्घटनामा बडिगाड ५ का मुक्त बहादुर वाइबा, बडिगाड ४ का हुमन काउछा र तुल बहादुर पुन तथा बडिगाड ८ का नारायण शेरभुजाको मृत्यु भएको प्रहरी नायव निरीक्षक विष्णु लम्सालले जानकारी दिनुभयो ।
जीपमा ११ जना रहेकामा एकजना सकुसल छन् भने घाइते सबै ६ जनाको अबस्था गम्भिर छ । उनीहरुलाई उपचारका लागि काठमाण्डौं ल्याउने तयारी भइरहेको बताइएको छ । साघुँरो र कच्ची बाटोमा जीप सडकबाट भीरमा खसेको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
