काठमाडौं ,साउन ९ ।
नेपाल सरकारले नेपाली सेनाको सिफरिसमा केही जर्नेलहरुलाई सरुवा भएको एक महिना पनि नबित्दै सुरुवा हेरफेर गरेको खबर छ । यसरी एक महिना पनि नपुग्दै सरुवा फेरबदल हुनेक दुई तारे जर्नेल (उपरथी) मध्ये सेनाको महत्वपूर्ण विभाग मध्येको एक डीएमआई प्रमुख (सैनिक गुप्तचर प्रमुख) एक महिना नपुग्दै फेर बदल भएका छन् ।
सैनिक स्रोतले दिएको जानकारी अनुसार सेनाको पूर्वी पृतनाबाट २०७४ असार ८ मा नेपाली सेनाको डीएमआई प्रमुखको रुपमा सरुवा गरिएका उपरथी प्रहाल्द थापालाई त्यहाँबाट पनि सरुवा गरिएको छ । थापालाई शिवपुरी स्थित सेनाको कमान्ड तथा स्टाफ कलेजको प्रमुखको जिम्मेवारी दिइएको छ । उपरथी थापा प्रमुख रहेको डीएमआई प्रमुखको जिम्मेवारी भने पोखरामा पृतनापति रहेका उपरथी जगदिशचन्द्र पोखरेललाई दिइएको छ ।
प्रधानसेनापति राजेन्द्र क्षेत्री अमेरिका र वेलायत भ्रमणको क्रममा लण्डनमा रहेका बेला डीएमआई प्रमुख थापाको सरुवालाई सेनाका अधिकृतहरुले आश्चर्यका रुपमा लिएको बताइन्छ । डीएमआई प्रमुखमा सरुवा भएर आएका उपरथी पोखरेल यसअघि सैनिक प्रवक्ताको रुपमा लामोसमय कार्यरत रहेका थिए । उपरथी पोखरेल नेपाली सेनाका रथीबृन्दहरुमध्ये विवादमा नपरेका, नेतृत्व क्षमता भएका र जिम्मेवारीमा सफल रुपमा परिचित व्यक्तित्व हुन् । साँघु साप्ताहिकमा समाचार छ ।
