लहान, ४ साउन ।
विगत केहि दिनयता बढ्ेको अत्यधिक गर्मीका कारण तराईको जनजीवन कष्टकर बनेको छ ।
बिहानैदेखि लाग्ने चर्को घामका कारण तराईका झापा , मोरङ , सुनसरी लगायतका स्थानहरुमा सर्वसाधारणको दैनिकी निकै कष्टपूर्ण हुन थालेको छ ।
यस्तै गर्मीका कारण तराईका धनुषा, सर्लाही, महोत्तरी, रौतहट, बारा, पर्सालगायतका जिल्लाको जनजीवन पनि निकै प्रभावित बनेको छ ।
दिनभरिको तातो घामले अत्यधिक गर्मी बढेपछि घर÷पसलबाट निस्कनै नसक्ने अवस्था आएको स्थानीयवासी बताउँछन् ।
गर्मीका कारण बजारमा मानिसको चहलपहलसमेत कम भएको देखिन्छ । चर्को घामसँगै तातो हावा चल्दा दैनिक जीवनयापनसमेत प्रभावित भएको छ ।
एक हप्ताअघिको अत्यधिक वर्षा र बाढीको कहर सकिन नपाउँदै सुरु भएको अत्यधिक गर्मीले मानिसको चहल–पहलसमेत घटेको स्थानीयवासी बताउँछन् ।
गर्मीका कारण अस्पतालमा पखला, रुघाखोकी तथा ज्वरोका बिरामीका चाप बढ्नाका साथै सर्पदंशको घटनासमेत बढ्ेको बताईएको छ ।
