काठमाडौ ,३१ असार ।
नेपाली काँग्रेसका नेता प्रकाशमान सिंहले पार्टीभित्र एकले अर्कोलाई गाली गलौज गर्ने प्रवृत्ति त्यागेर सबै एक ढिक्का भएर अघि बढ्नुपर्ने बताउनु भएको छ ।
काँग्रेस नेता रामहरि जोशीको निधनमा कास्की काँग्रेसले आज पोखरामा आयोजना गरेको शोक सभामा बोल्दै उहाँले स्थानीय तहको निर्वाचनमा सोचे जस्तो परिणाम नआए पनि प्रदेश तथा केन्द्रीय तहको निर्वाचनमा पार्टीलाई पहिलो स्थानमा स्थापित गर्न सबैको सामूहिक प्रयासको खाँचो औँंल्याउनु भयो ।
नेता सिंहले नेपाली काँग्रेसको नेतृत्वमा संविधान जारी भएको र काँग्रेसकै नेतृत्वमा संविधानको कार्यान्वयन र संस्थागत विकास गर्न पार्टीको काँधमा गहन जिम्मेवारी थपिएको पनि बताउनु भयो ।
मुलुकको शासन व्यवस्था परिवर्तनका लागि भएका आन्दोलनमा सबै राजनीतिक दल एक भएझैं आर्थिक समृद्धि र विकासका लागि पनि एकता अपरिहार्य भएको उहाँको धारणा छ ।
नेता सिंहले काँग्रेसका नेता स्व रामहरि जोशीले देखाएको बाटो अवलम्बन गरे मात्रै उहाँ प्रति सच्चा श्रद्धाञ्जलि गरेको ठहर्ने जिकिर गर्नुभयो ।
