जुम्ला सदरमुकाम खलंगामा आज अज्ञात समूहद्वारा दिउँसै मिनीट्रकमा आगजनी गरिएको छ ।

ना२ख ४६०२ नं को मिनीट्रक्रमा पेट्रोल छर्केर आगजनी गराइएको जिल्ला प्रहरी कार्यालयले जनाएको छ ।

नचिनेका मान्छेले आगो लगाएको थाहा पाएपछि स्थानीयवासीको सहायतामा आगो निभाइएपछि प्रहरी त्यहाँ पुगेको थियो ।
आज नेपाल बन्दका क्रममा जुम्ला पनि बन्द भएकाले आगजनी नेकपा कार्यकर्ताले गरेको हुन सक्ने प्रहरीको अनुमान छ ।

तर नेकपाका जुम्ला सेक्रेटरी विर्षबहादुर शाहीले आगजनीमा आफ्नो संलग्नता नरहेको बताउनुभएको छ । यता प्रहरीले भने घटनामा संलग्नहरुको खोजी भइरहेको जनाएको छ ।