प्रधानमन्त्री डेढ किलोमिटर हिँडेर बाढीपीडितको अवस्था बुझ्नुका साथै सेना,सशस्त्र र नेपाल प्रहरीले पुननिर्माण गरिरहेको भत्केको तटबन्धस्थलको समेत निरिक्षण गर्न गएका थिए । निरीक्षणपछि प्रधानमन्त्रीले देउवाले बाढीपीडितलाई प्रतिपरिवार २ बण्डल जस्तापाता खरिद गर्न १५ हजार र टहरा निर्माणको लागि १० गरि जम्मा २५ रुपैयाँ दिइने घोषणा गरे ।
यसैगरी प्रधानमन्त्रीले सुरक्षाकर्मीलाई तटबन्ध निर्माण गरेकोमा धन्यवाद दिए । प्रधानमन्त्री देउावले बाढीपीडितलाई व्यापार/व्यवसाय गर्न सहुलियत व्याजदरमा १५ लाख रुपैयाँसम्म ऋण उपलब्ध गराउने पनि बताए । उनले भने, ‘केही दिनमा डुबान प्रभावित क्षेत्रमा नि:शुल्क औषधिसहित स्वास्थ्य टोली खटाइने छ भने पिउने पानीको समस्या आजको दिनदेखि नै समाधान हुन्छ ।’
प्रधानमन्त्री देउावले बाढीपीडितलाई सम्बोधन गर्ने क्रममा राजविराज-कुनौली सडकखण्ड तुरुन्तै सञ्चालनमा ल्याउन पनि प्रमुख जिल्ला अधिकारीलाई निर्देशन दिए ।
उनले जल उत्पन्न प्रकोप नियन्त्रण डिभिजन कार्यालय लाहनमा नदी नियन्त्रणको नाममा भ्रष्टाचार भएको भन्ने आएको गुनासोको पनि छानविन समिति बनाएर चाँडै सम्बोधन गर्ने बताए ।
