काठमाडौ ,२३ असार ।
विराटनगर महानगरपालिकामा नेपाली कांग्रेसको अग्रता कायमै छ । कांग्रेसका भिम पराजुली १३ हजार २ सय ९१ मतसहित शिर्षस्थानमा छ । एमालेका बिनोद ढकालले १० हजार ३३ मत पाउनु भएको छ ।
यस्तै नयाँ शक्ति र संघीय समाजवादी फोरमका साझा उमेदवार उमेश कुमार यादवले १० हजार ४ मत प्राप्त गर्नुभएको छ । उपमेयरमा पनि नेपाली कांग्रेसले अग्रता कायम राखेको छ ।
कांग्रेसका इन्दिरा कार्की ११ हजार ४ सय ९७ मतसहित शिर्ष स्थानमा हुनुहुन्छ भने उहाँका प्रतिद्धन्द्धी माओवादी केन्द्रका नमिता न्यौपानेले ६ हजार ८ सय १२ मतसहित पछ्याई रहनुभएको छ ।
उपमहानगर तर्फ निर्वाचन भएका सात उपमहानगरमध्ये पाँच वटाको मतपरिणाम सार्वजनिक भइसकेको छ । बाँकी धरान र धनगढी उपमहानगरपालिकाको मात्र मतगणना जारी छ ।
सुनसरीको धरान उपमहानगरपालिकामा एमालेका तारा सुब्बा ८ हजार ६ सय ९० मतसहित शिर्ष स्थानमा हुनुहुन्छ । ७ हजार १ सय १ मतसहित कांग्रेसका तिलक राई दोस्रो स्थानमा हुनुहुन्छ ।
प्रदेश नम्बर ७ को धनगढी उपमहानगरपालिकामा नेपाली कांग्रेसको अग्रता कायम छ । कांग्रेसका नृप वड ११ हजार ५ सय ८९ मतसहित शिर्षस्थानमा हुनुहुन्छ भने स्वतन्त्र उमेदवार गोपाल हमालले १० हजार ४ सय ३५ मतसहित पछ्याइरहनु भएको छ ।
एमालेका दुर्गाप्रसाद जोशीले ८ हजार १ सय ९६ मत पाउनु भएको छ । बुटवल, तुल्सीपुर, घोराही र नेपालगन्ज उपमहानगरको मतपरिणाम भने यसअघि नै सार्वजनिक भइसकेका छन् ।
