काठमाडौं, असार १९ ।
सवारी साधनको लाईसेन्स लिने सोचमा हुनुहुन्छ ? यदि त्यो हो भने अब सवारी अनुमति परीक्षा फरक ढंगले दिनुपर्नेछ ।
ट्राफिक महाशाखाले चालक अनुमति पत्रको लागि नयाँ नियम लागु गर्न लागेकोे हो । लिखित र ट्रायल पास भएपछि लाइसेन्स पाइने नियम परिवर्तन गरि ‘रोड टेस्ट’ अनिवार्य रुपमा पास गर्नुपर्ने जनाइएको छ ।
‘रोड टेस्ट’ अन्तर्गत लाईसेन्स लिन चाहने ब्यक्तिले एक घण्टा रोडमा सवारी कुदाउनुपर्नेछ । महानगरीय ट्राफिक प्रहरी महाशाखाले यातायात व्यवस्था विभागसँगको सहकार्यमा नयाँ नियम लागू गर्न लागेको हो।
लिखित परीक्षा पछि ह्याण्डलिङ टेस्ट, रोड टेस्ट र ट्राफिक अवेरनेस टेस्ट हुने भएको छ । यदी रोड टेस्टमा फेल भएमा लिखित परीक्षा मात्रै नदिई अरु पुनः दिनुपर्ने भएको छ ।
केही दिनपछि नै लागू गर्नेगरी तयारी अन्तिम अवस्थामा पुगेको महानगरीय ट्राफिक प्रहरी महाशाखाले जनाएको छ । विकसित धेरै देशहरुमा यस्तै व्यवस्था रहेकाले वैज्ञानिक बनाउन नेपालमा पनि लागू गर्न लागिएको ट्राफिक प्रहरी महाशाले जनाएको छ ।
यस्तै काठमाडौंमा बढ्दो धूलो कम गर्न उपत्यकाका चारवटै नाकामा वासिङ सेन्टर राखिने महाशाखाले जनाएको छ ।
