१८ असार, २०७४ ताप्लेजुङ । ताप्लेजुङको फक्ताङ्लुङ गाउँपालिका अध्यक्ष र उपाध्यक्षमा नेकपा (एमाले) ले जितेको छ । यो सँगै पछिल्लो मत परिणाम अनुसार एमालेले ५ र नेपाली काँग्रेस ३ स्थानीय तहको मुख्य पद जितेका छन् ।

आइतबार राती सार्बजानिक भए अनुसार, अन्तिम मत परिणाबाट लिम्बू गाउँपालिकाको अध्यक्षमा विजयी भएका हुन् । लिम्बूका प्रत्यासी नेपाली काँग्रेसका मणि प्रसाद लाबुङले १ हजार ६६५ ल्याउँदा एमालेका लिम्बूले १ हजार ९९८ मत ल्याई ३३३ मतान्तरले लाबुङलाई लिम्बूले पछि पारेका छन् ।

नेकपा (एमाले) ले उपाध्यक्ष सहित ४ ओटा वडामा जित हात पारेको छ । एमालेले खेजेनिम (२), तापेथोक (५), लेलेप (६) को वडाध्यक्ष जितेको छ भने, नेपाली काँग्रेसले ओलाङचुङगोला (७), लिङखिम (३) र इखाबु (४) वडामा विजयी भएको छ । नेकपा (माओवादी केन्द्र) ले सावादिन (१) वडामा जितेको छ ।

एमालेका अध्यक्षमा सरोज लिम्बू र उपाध्यक्ष फुलमाया लिम्बू दुइओटै पदमा विजयी भएका छुन् ।

सिरिजंगामा नेपाली काँग्रेसको जित

पछिल्लो पटक आईतबार दिउँसो सिरिजंगा गाउँपालिकाको अध्यक्ष पदमा नेपाली काँग्रेसका टिकाराम गुरुङले २ हजार ३४६ मत ल्याई अध्यक्ष पदमा विजयी भएका छन् भने गुरुङका प्रत्यासी अनन्त बहादुर साँबाले २ हजार १४७ मत प्रप्त गरेका छन् ।

यो समाचार तयार पार्दासम्म सिदिङबा गाउँपालिकाको नतिजा आउन बाँकी छ । अब ताप्लेजुङमा एमालेले ५ र काँग्रेसले ३ स्थानीय तहमा विजयी प्रप्त गरेका छन् ।

यसमा तपाइको प्रतिक्रिया

सम्बन्धित समाचार