काठमाडौ ,१८ असार ।
कास्कीको पोखरामा पहिरोले घर पुरिँदा एक बालकको मृत्यु भएको छ । पोखरा लेखनाथ महानगरपालिका वडा नम्बर १८ मा गएराति खसेको पहिरोमा परि १४ बर्षिय बालकको मृत्यु हो ।
पहिरोमा पुरिएर मृतयु हुनेमा स्याङजा घर भई हाल पोखरा बस्दै आएका १४ बर्षीय टंक क्षेत्री रहेको जिल्ला प्रहरी कार्यलय कास्कीले जनाएको छ ।
घरका अन्य सदस्य भने भागेर ज्यान जोगाउन सफल भएको बताइएको छ । पोखरा लेखनाथ महानगरपालिका वडा नम्बर १८ प्रस्र्याङपाखामा रहेको तारापति अधिकारीको ब्लकले बनेको दुई तले कच्चीघर पहिरोमा पुरिएको हो ।
यसैबीच पर्वतको महाशिला गाउँपालिका वडा नं १ मा पहिरोले घर बगाउँदा एकै परिवारका तीनजना बेपत्ता भएका छन् । स्थानीय ६३ वर्षीय तीर्थबहादुर मल्लको घर गएराति पहिरोले बगाएको हो ।
घर बगाउँदा मल्लसहित उनकी आमा ८० वर्षीया बेलकुमारी मल्ल र श्रीमती ५५ वर्षीया यम कुमारी मल्ल बेपत्ता भएको प्रहारीले जनाएको छ । घरमाथिबाट आएको पहिरोले घर र गोठ पुरेको छ ।
पहिरोले स्थानीय तीलबहादुर मल्लको गोठ समेत पुरिएको छ । घटनास्थलमा इलाका प्रहरी कार्यालय हुवासबाट प्रहरी निरीक्षकको नेतृत्वमा उद्दार टोली पठाई सकिएको प्रमुख जिल्ला अधिकारी राजेश पन्थीले जानकारी दिनुभयो ।
