काठमाण्डौ ,१२ असार ।
अखिल नेपाल महिला संघ क्रान्तिकारीले प्रहरी नियन्त्रणमा रहेकी केन्द्रिय सचिव ईन्दिरा मिश्रलाई तत्काल रिहा गर्न माग गरेको छ ।
महिला संघ क्रान्तिकारीका अध्यक्ष बन्धु चन्द र महासचिव धिरेन्द्रा उपाध्ययले आज बिज्ञप्ती जारी गरी मिश्रलाई बिना सर्त तत्काल रिहा गर्न माग गर्नुभएको हो ।
पक्राउ परेका संगठनका सचिव सहित सबै नेता कार्यकर्ता तत्काल रिहा नगरे कडा संघर्षमा जाने चेतावनी दिदै बिज्ञप्तीमा भनिएको छ , त्यसबाट आउने सबै परिणामको जिम्मा स्वयम राज्यले लिनुपर्छ
सडकमा हिडिरहेको अवस्थामा हिजो अपरान्ह मोरङको पथरिबाट मिश्रलाई ईलाका प्रहरी कार्यलय पथरीले नियन्त्रणमा लिएको थियो ।
लोकतान्त्रिक गणतन्त्रणले दिएको नागरिक मौलिक अधिकार उल्लङ्घन गरि देशैभरबाट संगठनका नेता कार्यकर्ता तथा समर्थकमाथि पन्चायती शैलीमा धरपकट र गिरफ्तार गरेकोप्रति गम्भिर ध्यानाकर्ष भएको छ , बिज्ञप्तीमा उल्लेख छ ।
