जनकपुर ,११ असार ।
धनुषाको सिनरजोरास्थित विलख सर्वोदय माध्यमिक बिद्यालयका प्रधानाध्यापक नरेन्द्र शर्मामाथि आज बिहान गोली प्रहार भएको छ ।
गोली प्रहारबाट शर्मा गम्भीर घाईते हुनुभएको जिल्ला प्रहरी कार्यलय धनुषाले जनाएको छ ।
आफ्नो घर जिरो माइलबाट मोटरसाइकलमा विद्यालय जाँदै गर्दा मोटरसाइकलमै आएका दुई अज्ञात व्यक्तिले सुनसान स्थलमा मोटरसाइकल रोक्न लगाई गोली प्रहार गरी फरार भएको जनाईएको छ ।
आक्रमणकारी नम्बर नखुलेको होण्डा साइन मोटर साइकलमा आएको प्रहरीको भनाइ छ । प्रधानाध्यापक शर्मासँगै मोटर साइकलमा सवार सिराहाका आनन्द मण्डललाई केही नगरिएको भएपनि डरले उहाँ बेहोस हुनुभएको छ ।
दुवै जनालाई उपचारका लागि जनकपुर अञ्चल अस्पताल लगिएको छ। आक्रमणकारीको खोजी भइरहेको प्रहरीले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
