सुनसरी, १० असार ।
असार १४ गते हुने दोस्रो चरणको स्थानीय तह निर्वाचन नजिकिदै जादा बिभिन्न स्थानमा बम तथा संकास्पद बस्तुहरु फेला पर्ने क्रम बढेको छ ।
निर्वाचनको पूर्वसन्ध्यामा उम्मेदवारको घरमा बम फेला पर्ने घटना बाहिर आएपछि आम जनमानसलाई थप त्रसित बनाएको छ ।
सुनसरीको इटहरी उपमहानगरपालीकाका मेयर उमेदवारको घरको आगनमा आज बिहान बम बिस्फोट भएको जनाईएको छ ।
एमालेबाट मेयरका उम्मेदवार द्ववारिकलाल चौधरीको घरमा आज बिहान करिब ३ बजेको समयमा अज्ञात समुहले सकेटबम बिस्फोट गराएको प्रहरीले जनाएको छ ।
यस्तै बराह नगरपालीकाको महेन्द्रनगरमा पनि आज बिहान अज्ञात समुहले सिलिण्डर बम बिस्फोट गराएको जनाईएको छ । त्यस्तै आजै एकाबिहानै सोहि क्षेत्रका दुबीस्थीत कोकाकोलाको डिलर नजिकै र ईनरुवा र रामधुनीको बीचमा पनि सिलिण्डर बम बिस्फोट भएको बताईएको छ ।
घटनाबारे अनुसन्धान भईरहेको जनाउदै प्रहरीले बम बिस्फोट किन र कस्ले गरायो भन्ने नखुलेको बताएको छ ।
निर्वाचन नजिकिदै जादा बिभिन्न खालका घटनाहरु घट्न नदिन सुरक्षा ब्यावस्था कडा पारिएको जिल्ला प्रहरी कार्यलय इनरुवाले जनाएको छ । निर्वाचन सुरक्षाका लागी सुरक्षाकर्मी परिचालन गर्नुका साथै मतदानकेन्द्रहरुमा पनि सुरक्षा ब्यावस्था कडा पारिएको इप्रकाको भनाई छ ।
