काठमाडौ ,१० असार ।
आगामी असार १४ मा हुने दोस्रो चरणको स्थानीय तह निर्वाचनका लागि सम्पूर्ण तयारी पूरा भएको निर्वाचन आयोगले जनाएको छ ।
निर्वाचन हुने तीन वटै प्रदेशका ३५ जिल्लाका मतदान कार्यलयमा आज बेलुकीसम्ममा मतदान अधिकृत पुग्ने आयोगका प्रवक्त सुर्यप्रसाद शर्माले जानकारी दिनुभयो ।
आयोगका अनुसार भोलीबाट सम्बन्धीत मतदान केन्द्रबाट मतदाता परिचयपत्र वितरण गरिनेछ । भोलीबाट तीन दिनसम्म तोकिएको मतदान केन्द्रबाट मतदाता परिचय पत्र लिन सकिने जनाएको छ ।
यस्तै निर्वाचन आयोगले दोस्रो चरणमा निर्वाचन हुने तीन प्रदेशका मतदातालाई उत्साहपूर्वक सहभागी हुन आग्रह गरेको छ । आफ्नो मताधिकारलाई स्वातन्त्र रुपमा प्रयोग गर्न आयोगले आम मतदातालाई आह्वान गरेको हो ।
आयोगका प्रवत्ता शर्माले निर्वाचनका लागि आवश्यक सुरक्षा व्यवस्था चुस्त रुपमा मिलएकाले निर्धाक्का भएर निर्वाचनमा सहभागी हुन मतदातालाई आग्रह गर्नुभयो ।
दोस्रो चरणमा प्रदेश नम्बर ४, ५ र ७ का ३५ जिल्लामा स्थानीय जनप्रतिनिधि चयनका लागि निर्वाचन हुदैछ । निर्वाचनमा ६४ लाख ३२ हजार ७ सय ६५ मतदाता सहभागी हुने आयोगले जनाएको छ ।
