काठमाडाैँ ,९ असार ।
निर्वाचन प्रसार प्रसार गर्ने समय सकिन २ दिन मात्र बाँकी रहँदा दोस्रो चरणमा निर्वाचन हुने ३५ जिल्लाका ३ सय ३४ स्थानीय तहको चुनाब प्रचारले तिब्रता पाएकाे छ ।
कग्रेस सभापति एवम प्रधानमन्त्री शेर बहादुर देउवा आज धनगढी जाँदै हुनुहुन्छ । त्यस्तै कांग्रेस वरिष्ठ नेता रामचन्द्र पौडेल पनि हिजैबाट प्रदेश नम्बर ५ का विभिन्न जिल्लामा सक्रिय हुनुहुन्छ । एमाले अध्यक्ष केपी ओली गृह जिल्लामा ३ दिन चुनावी सभा गरेर फर्कनु भएको छ । कांग्रेस नेता सिटौला भने केहिदिनयता गृहजिल्ला झापामै व्यस्त हुनुहुन्छ ।
एमाले वरिष्ठ नेता एवम पुर्व प्रधानमन्त्री झलनाथ खनाल ईलामका विभिन्न स्थानमा व्यस्त रहँदा अर्का पुर्व प्रधानमन्त्री माधव कुमार नेपाल आज उदयपुर, बिराटनगर लगायतका स्थान जाने कार्यक्रम छ । माओवादी केन्द्रका अध्यक्ष एवम पुर्वप्रधानमन्त्री पुष्पकमल दाहाल आज पनि पशिचमका जिल्लाहरुमा व्यस्त रहनुहुने उहाँको नीजि सचिवालयले जनाएको छ ।
नेपाल लोकतान्त्रिक फोरमका अध्यक्ष विजय कुमार गच्छेदार मोरङ सुनसरी लगायतका जिल्लामा व्यस्त रहनुभएको छ । संघिय समाजवादी फोरमका अध्यक्ष उपेन्द्र यादव, साझा पार्टीका अध्यक्ष रबिन्द्र मिश्र र विवेकशील पार्टीकी रञ्जु दर्शनापनि चुनावी प्रचारका क्रममा पुर्वका विभिन्न जिल्लामा निस्किएका छन् ।
