असार ९,कैलाली। कैलाली जिल्लाको गोदावरी नगरपालिकाका माओवादी मेयर उम्मेदवारको घरमा शुक्रबार बिहान बम विस्फोट भएको छ । माओवादी केन्द्रका अध्यक्ष प्रचण्ड बास बसेको घरबाट १ किलोमिटरको दूरीमा रहेको गोकर्ण भट्टको घरमा शुक्रबार बिहान २ः४५ बजे सुतली बम बिस्फोट भएको हो ।
प्रचण्ड बिहीबार बेलुका माओवादी केन्द्रका नेता लेखराज भट्टको गोदावरी नगरपालिकास्थित घरमा बास बसेका थिए ।
बिस्फोटबाट कुनै मानवीय तथा भौतिक क्षति भने नभएको कैलालीका प्रमुख जिल्ला अधिकारी गोविन्दप्रसाद रिजालले जानकारी दिए ।
मेयर उम्मेदवार भट्ट माओवादी केन्द्रका नेता लेखराजका भाइसमेत हुन् । बम कसले विस्फोट गरायो भन्नेबारे केही खुलेको छैन । प्रहरीले यसबारे अनुसन्धान भइरहेको जनाएको छ ।
बम विस्फोटपछि प्रहरीले यो क्षेत्रको सुरक्षा व्यवस्था कडा बनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
