काठमाडौं, असार ८ ।
सरकारले आज दोस्रो दिन पनि भुकम्प पिडितलाई ट्याक्सी नम्बर प्लेट वितरण गर्दै छ । यातायात व्यवस्था विभागले ललितपुरको च्यासल फुटबल ग्राउन्डमा सर्वसाधारणकै उपस्थितिमा गोला प्रथा गरी तीन दिन सम्म नम्बर प्लेट वितरण गर्न लागको हो ।
आज दोस्रो दिन दोलखा, सिन्धुली र सिन्धुपाल्चोकका पाँच सय १३ जनालाई पनि गोला प्रथाबाट नै ट्याक्सी नम्बर प्लेट वितरण गरिने छ । यी तीन जिल्लाबाट ट्याक्सी नम्बर प्लेटका लागि ५१ हजार ३ सय १२ जनाले आवेदन दिएका थिए ।
यस्तै भोली तेस्रो तथा अन्तिम दिन काठमान्डौ, भक्तपुर, ललितपुर, धादिङ, मकवानपुर, ओखलढुंगा, गोरखा र रसुवाका चार सय १६ जना भुकम्प पिडितलाई ट्याक्सी नम्बर वितरण गरिने छ ।
यी आठ जिल्लाबाट ट्याक्सी नम्बर प्लेटका लागि ४९ हजार ३ सय ११ जनाले आवेदन दिएका थिए । यस अघि हिजो पहिलो दिन काभ्रेपलान्चोक, नुवाकोट र रामेछापका चार सय ९१ जनालाई गोला प्रथाबाट ट्याक्सी नम्बर वितरण गरिएको थियो ।
पहिलो दिन नुवाकोटका १ सय २५, काभ्रेका २ सय १ र रामेछापका १ सय ६४ जना गोलाप्रथाद्वारा ट्याक्सी नम्बरका लागि छनोट भएका हुन् । विभागले सबै आवेदकलाई एउटै बाकसमा हालेर गोला प्रथ ागर्न असम्भव भएकाले जिल्ला अनुसार कोटा निर्धारण गरेको जनाएको छ ।
