काठमाडौ ,८ असार ।
निर्वाचन आयोगले दोस्रो चरणमा निर्वाचन हुने तीन प्रदेशमा अनुगमनका लागि सहसचिवस्तरका ३५ सदस्यीय उच्चस्तरीय अनुगमन टोली खटाएको छ ।
अनुगमन समितिलाई निर्वाचन आचारसंहित विपरित काम गर्ने दल तथा दलका उमेदवारलाई कारबाही गर्ने अधिकार समेत दिएको आयोगका सचिव गोपीनाथ मैनालीले जानकारी दिनुभयो ।
विभिन्न जिल्लाबाट निर्वाचन आचार संहिता विपरितका गतिविधि बढेको समाचार भएपछि आयोगले अुनगमन गर्न लागेको हो । त्यस्तै निर्वाचनमा दल तथा तीनका कार्यकर्ताले गर्ने गतिविधिको सुक्ष्म अध्यनका लागि हिजोबाट ७५ जनाको टोली खटाएको निर्वाचन आयोगले जनाएको छ ।
यसैबीच पहिलो चरणको निर्वाचनमा अधिक मत बदर भएपछि आसन्न दोस्रो चरणको निर्वाचन कार्यक्रमलाई लक्षित गरी मतदाता शिक्षा कार्यक्रमलाई पनि तीव्रता दिएको आयोगले जनाएको छ ।
दोस्रो चरणमा निर्वाचन हुने तीन प्रदेशमा ३८ जना निर्विरोध निर्वाचित भइसकेका छन् । दोस्रो चरणमा प्रदेश नम्बर ४, ५ र ७ का ३५ जिल्लामा निर्वाचन हुदैछ ।
