हसुलिया, ७ असार । दलित महिला अधिकार मञ्च कैलालीले स्थानीय तहको दोस्रो चरणको निर्वाचनमा बढि भन्दा बढि मत सदर गर्न मतदाता शिक्षा विषयक अभिमूखिकरण कार्यक्रम सञ्चालन गरेको थियो ।
मञ्चले कैलारी गाउँपालिकाको हसुलिया, बसौटी र उदासीपुरका तिन सय साठी जना महिला, दलित तथा सिमान्तकृत सामुदायलाई मतदाता शिक्षाबारे जानकारी दिएको कार्यकारी निर्देशक सावित्रा घिमिरले जानकारी दिईन् ।
कार्यक्रममा दोस्रो चरणको स्थानीय तहको निवार्चन पछि बन्न लागेको संरचनाबारे सहभागीहरुलाई जानकारी दिदै उनले नेता छान्नमा त्रृती नगर्न आग्रह समेत गरिन् ।
उनले स्थानीय सरकार बलियो बनाउन नेता र नीति दुबैलाई बलियो बनाउन जरुरी रहेकोले मत बदर नगरिकान सही उम्मेदवार छनौट गर्न मतदाता शिक्षाको अभियान चलाएको बताईन् ।
स्थानीय सरकार सिंहदरवार बराबरको सुविधा सम्पन्न हुने भएकोले स्थानीय तहमा विजय हुने उम्मेदवारहरुले स्थानीय स्तरमै आर्थिक श्रोतको व्यवस्थापन गर्न सक्ने नीतिको आवश्यक रहेको घिमिरेको भनाई थियो ।
कार्यक्रम महिला, दलित तथा सिमान्तकृत सामुदायलाई लक्षित गरि मत पत्रको बारेमा जानकारी, भोट हाल्ने तरिका र मत पत्रमा स्वास्तिक छाप लगाई पत्तयाउने तरिका बारे जानकारी दिएको थियो ।
पहिलो चरणको निर्वाचनमा मतदाता शिक्षा प्रभावकारी नभएको कारण धेरै मत बदर भएको निर्देशक घिमिरेले बताईन् ।
उनले दोस्रो चरणको निर्वाचन यही असार १४ गते हुना गइरहेको निर्वाचनमा बदर मत कम गर्ने उदेश्यले सो अभियान सञ्चालन गरेको बताइन् ।
कार्यक्रममा दलित महिला अधिकार मञ्चको कोषअध्यक्ष कमला विक, सचिब उन्नती चौधरी, दलित महिला अधिकार मञ्च अन्तर्गत महिला सशक्तिकरण कार्यक्रम संयोजन रोशा थापा, निर्वाचन स्वयमसेविका लगायतको उपस्थिति रहेको थियो ।
