काठमाडौ ,६ असार ।
नेपाल चीन संयुक्त परामर्श संयन्त्रको ११ औं बैठक आज काठमाडौमा सुरु हुदैछ । बैठकमा सहभागी हुन चीनीया परराष्ट्रमन्त्रालयका सचिव कुङ सेन यु नेृतत्वको टोली नेपाल आइसकेको छ ।
बैठकमा नेपाल र चीनबीच विगतमा भएका सहमति कार्यन्वयन तथा चीन सरकारको सहयोगमा नेपालमा जारी विकास आयोजनाका कार्यक्रमका साथै चीनिया सहयोग तथा लगानी वृद्धि लगायतका विषयमा छलफल हुने जनाएको छ ।
बैठकमा चीनले अघि सारेको महत्वकांक्षी परियोजना वान बेल्ट वान रोड ओबिओआरमा नेपालले हस्ताक्षर गरिसकेको अवस्थामा त्यसबाट प्राप्त गर्नसक्ने सहयताबारे पनि छलफल हुने परराष्ट्र सचिव शंकरदास बैरागीले जानकारी दिनुभयो ।
यस्तै नेपाल चीनबीचको द्धिपक्षीय सम्बन्धका साथै पारस्परिक हित र चासोका विषयमा पनि बैठकमा छलफल हुने जनाएको छ । बैठकमा नेपालका तर्फबाट परराष्ट्र सचिव वैरागीले सहभागिताले जनाउनु हुनेछ ।
