काठमाडौ ,४ असार ।
नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपालका लागि चिनियाँ राजदूत यु होङबिच आज बिहान भेटवार्ता भएको छ ।
लाजिम्पाटस्थित दाहालको निवासमा भएको भेटमा मुलुकको समसामयिक परिस्थिति र नेपाल–चीन सम्बन्धका विषयमा कुराकानी भएको जनाएको छ ।
भेटमा अध्यक्ष दाहालले आफू प्रधानमन्त्रीमा निर्वाचित भएदेखि दुई छिमेकी बिचको सम्बन्धलाई सन्तुलित बनाउन लागिपरेको र राजीनामा दिने बेलासम्म आफ्नो योजना सफल भएको बताउनु भएको थियो ।
प्रधानमन्त्रीमा निर्वाचित भएलगत्तै चीन र भारतमा विशेष दूत पठाएर सम्बन्धमा थप सुदृढीकरण गरिएको बताउँदै उहाँले आफ्नो १० महिने प्रधानमन्त्रीकाल नेपाली राजनीतिमा स्मरण योग्य रहने विश्वास व्यक्त गर्नुभयो ।
सो क्रममा राजदूत होङले अध्यक्ष दाहालको प्रधानमन्त्री कालमा नेपाल र चीनबिचको सम्बन्ध थप बलियो बनेकोमा खुशी व्यक्त गर्नुभयो ।
उहाँले प्रचण्डको १० महिने प्रधानमन्त्री काल अत्यन्तै सफल र वैदेशिक मामिलामा सन्तुलित भएको विचार राख्नुभएको प्रचण्डको निजी सचिवालयले जनाएको छ ।
