काठमाडौं ,३ असार ।
राजधानीको गोकेर्णेश्वर नगरपालिका १ रुप्सेटारमा रहेको ओम कृषि फर्ममा आगलागी हुँदा करिब चार करोण बराबरको क्षती भएको छ ।
ओखलढुंगाका बाबुराम कार्कीले सञ्चालन गरेको गाइ फर्ममा आज विहान करिब ११ बजे आगलागी हुँदा ७० ओटा गाई जलेर मरेका छन् ।
आगलागीबाट अन्य ७० वटा गाई सख्त घाईते हुनुका साथै १२ टन दाना , डेढ सय गाईलाई ओछ्याउने म्याट जलेर नष्ट भएको छ ।
करेन्ट सर्ट भएर फाम भित्र आगलागी भएको महानगरीय प्रहरी वृत्त वौद्धका प्रमुख डिएसपी अच्युत पुडासैनीले बताउनु भयो
बाँसको छानोमाथि टिन लगाएको र अचानक करेन्ट सर्ट भएर सल्कीएको आगो फार्ममा फैलिएको उहाँले बताउनु भयो । नेपाली सेना र प्रहरीको सहयोगमा आगो नियन्त्रणमा लिएको फाम सन्चालक कार्कीले बताउनु भयो ।
फार्ममा ७५ दुहुनो, २२ ब्याउने र बाच्छाबाच्छी गरी १२२ गाई थिए । घाइते गाईको उपचार भइरहेको छ ।
