काठमाण्डौ ,३ असार ।
निर्वाचन आयोगले राजनितिक दलहरुले चुनाव प्रचारप्रसारमा बालबालिका प्रयोग गरेर आचारसंहिता उल्लङघन गरेको ठहर गरेको छ ।
आयोगले नेपाली काग्रेस , एमाले माओवदी केन्द्र , संघिय समाजवादी पार्टी ,राप्रपा , मधेसी जनाधिकार फोरम नेपाललाई पत्र पढाएर चुनावी अभियानमा बालबालीका प्रयोग नगर्न सचेत गराएको हो ।
आयोगका प्रवत्ता सुर्य प्रसाद शर्माद्धारा आज जारी विज्ञप्तीमा निर्वाचनलाई भयरहित वातावरणमा सम्पन्न गराउन आयोगले आचारसंहिताको परिपालनालाई जोड दिईरहेको ब्यहोरा स्मरण गराउदै सोको पालना गराउने दिशामा आयोग कटिबद्ध रहेको जनाएको छ ।
आयोगले दलहरुलाई पठाएको पत्रमा दल तथा मातहतका संगठनहरु र भातृ संगठनबाट बिभिन्न राजनितिक गतिबिधिमा बालबालीकाको प्रयोग गरी आचारसंहित उल्लङघन भएको सुचना प्राप्त भएकाले मातहतका निकायलाई त्यसबारे थप सचेत बनाउन आयोगले दलका नेतृत्वलाई ध्यानाकर्षण गराएको छ ।
आयोगले राजनितिक दलहरुले बालबालीकालाई प्रयोग गरेको बिषयमा छानबिन गरी आवश्यक कार्वाहि गर्न पनि निर्देशन दिएको छ ।
साथै चुनावी अभियानका बेला आचारसंहिता प्रतिकुल हुने कुनैपनि क्रियाकलाप नगर्न आयोगले सबैमा अपिल पनि गरेको छ ।
चुनावी प्रचारमा बालबालिका प्रयोग गर्ने दल
-नेपाली काग्रेस
-नेकपा एमाले
-नेकपा माओवादी केन्द्र
-राष्ट्रिय प्रजातन्त्र पार्टी
-संघिय समाजवादी पार्टी
-मधेसी जनाधिकार फोरम नेपाल
