इलाम, वैशाख २६ ।
एलामको जोगमाई खोला साना जलविद्युत आयोजनाले व्यवसायिक रुपमा बिद्युत उत्पादन सुरु गरेको छ । यो सँगै इलामको कुल विद्युत उत्पादन ६१ मेगावाट पुगेको छ ।
सवै परिक्षण सकेर वैशाखको तेस्रो सातादेखि जोगमाईले व्यवसायिक उत्पादन थालेको हो ।
सान्भी इनर्जीले निर्माण गरेको ७ दशमलव ६ मेगावाट क्षमताको आयोजनाले उत्पादन थालेपछि जिल्लाको विद्युत उत्पादन क्षमता ६१ मेगावाट पुगेको हो ।
निर्माणको अन्तिम चरणमा रहेका अप्परमाईको क्यासकेट, पुवाखोला र माइखोला विद्युत आयोजना सम्पन्न हुँदासम्म इलामको उत्पादन क्षमता ८० मेगावाट पुग्नेछ ।
यसअघि २२ र सात मेगावाटको सानीमा, ६ दशमलव २ मेगावाटको पुवाखोला, १२ मेगावाट क्षमताको अप्परमाई, ४ दशमलव ५ मेगावाटको माइखोला र तीन मेगावाटको माथिल्लो पुवाखोला विद्युत अयोजनाले उत्पादन गरिरहेका छन् ।
माइजोगमाई गाउँपालिकाको माङचोकमा रहको विद्युत गृहदेखि आयोजनाले निर्माण ११ किलोमिटर लामो प्रशारण लाइनमार्फत गोदकको तिल्केनीस्थित कावेली करिडोरको सवस्टेशनमा विद्युत जोडिएको हो ।
गोदकस्थित कावेली करिडोरको एक सय ३२ केभिएको सवस्टेशनमार्फत उत्पादित विद्युत केन्द्रिय प्रशारण लाइनमा जोडिएको छ ।
झण्डैं दुई दशक अघि पहिलो पटक प्राधिकरणको पुवाखोला जलविद्युत आयोजनाले ६ दशमलव २ मेगावाट विद्युत उत्पादन थालेर जिल्लामा ठूला आयोजना निर्माण थालिएका छन् ।
जोगमाईले हाल चार मेगावाट विद्युत उत्पादन गरिरहेको आयोजनाका हरिबाबु न्यौपानेले वताउनु भयो ।
