गुण्डा नाइके चक्रे मिलनलाई प्रहरीले पक्राउ गरेको छ । चुनावलाई प्रभाव पार्न सक्ने ठानेर उनलाई महाराजगञ्ज क्षेत्रबाट पक्राउ गरिएको प्रहरीले जनाएको छ ।

गुण्डाको समूहमा राखेका सबैजसो व्यक्तिलाई पक्राउ गरेर चुनाव शान्त बनाउने योजना रहेको महानगरीय प्रहरी परिसर काठमाडौैंका प्रवक्ता प्रहरी उपरीक्षक प्रद्युम्न कार्कीले बताए ।
महाशाखाले स्थानीय चुनावको सुरक्षामा प्रभाव पार्नसक्ने भन्दै पक्राउ गरेको हो । २ दिन अगाडि प्रहरीले राप्रपा मनाङ अध्यक्ष दिपक मनाङगेलाई पक्राउ गरि सार्वजनिक अपराधको अभियोगमा हिरासतमा राखेको छ।