ईनरुवा बैशाख १२ । नेपाल कम्युनिष्ट पार्टी निकट अखिल क्रान्तिकारीले जिल्लाका शैक्षिक संस्थाहरुबाट मतदान केन्द्र हटाउन र निर्वाचन कार्यलय हटाउन ध्यानाकर्षण गराएको छ ।
अखिल क्रान्तिकारी सुनसरीका अध्यक्ष पुष्प न्यौपानेको नेतृत्वमा गएको विद्यार्थीको टोलीले सोमबार ईनरुवा स्थित जिल्ला प्रशासन कार्यलयका प्रमुखलाई ज्ञापन पत्र बुझाउदै यस्तो माग गरेको हो ।
साथै निजी स्कुलहरुले मनपरी ढंगबाट लिएको शुल्क रोक्नु पर्ने, संस्थागत विद्यालय शुल्क २०७२ लागु गर्नु पर्ने, आम विद्यार्थीको हातमा तत्काल पाठ्यपुस्तक पुर्याउनु पर्ने लगायतका माग राखिएको छ ।
ज्ञापन पत्र बुझाउने क्रममा अखिल क्रान्तिकारीका सचिवालय सदस्य नवराज भ्टराई पनि उपस्थित रहनु भएको थियो ।
यस्तै माग पत्र मोरगं सहितका अन्य जिल्लामा पनि बुझाउने कार्यक्रम राखिएको सचिवालय सदस्य नवराज भट्टराईले जानकारी दिनु भयो ।
