एजेन्सी, बैशाख १० ।
भेनेजुएलामा जारी रहेको राष्ट्रपति निकोलस मादुरोकाविरुद्ध मौन प्रदर्शन गर्ने क्रममा २० जनाको ज्यान गएको छ ।
राजधानीमा आज सेतो टि–सर्ट लगाएर सेतो फूलहरू तथा भेनेजुएलाको झण्डा बोकेर मौन प्रदर्शन गरी रहेको बेलामा प्रहरीले प्रदर्शनकारीहरूलाई हमला गरेको एक महिला पत्रकारले जनाएको छ ।
प्रदर्शनकारीहरू प्रवेश निषेधित क्षेत्रतर्फ अघि बढ्न खोज्दा सुरक्षाकर्मीहरूले बल प्रयोग गरेका थिए । पछिल्ला दिनहरूमा भेनेजुएलाको प्रतिपक्षी दलले देशका अन्य शहरहरूमा पनि प्रदर्शन गरी रहेको छ । ती स्थानमा पनि प्रहरी तथा राष्ट्रिय सुरक्षाकर्मीले प्रदर्शनकारीहरूलाई नियन्त्रणमा लिने प्रयासमा रहेको छ ।
विपक्षी दलका प्रदर्शनकारीहरूले शान्तिपूर्ण रूपमा लोकतन्त्रका लागि प्रदर्शन गरिएको बताएका छन् । भेनेजुएलामा भइरहेको आन्दोलनमा सरकारी दमन बढेको भन्दै विभिन्न देशबाट सरकारको आलोचना पनि भइरहेको छ ।
