काठमाडौँ, २६ चैत ।
सामुदायिक विद्यालयका अस्थायी शिक्षकहरु फेरी आन्दोलीत भएका छन् उनीहरुले शतप्रतिशत दरबन्दीमा आन्तरिक प्रतिस्पर्धा हुनुपर्ने र हाल शिक्षा ऐन (आठौँ संशोधन) ऐन बमोजिम ४९ प्रतिशत अस्थायीका लागि खोलिएको शिक्षक सेवा आयोगको विज्ञापन खारेज गर्न माग गरेका छन् ।
आयोगको विज्ञापनविरुद्धमा आज शुक्रवार विरोध ¥याली गर्दै उनीहरुले अस्थायी शिक्षकले परीक्षा वा सुविधामध्येको विकल्पमा नभई सबै अस्थायीलाइ कार्यरत दरबन्दीमा आन्तरिक प्रतिस्पर्धा गर्न पाउने व्यवस्था गर्न आवाज उठाएका हुन् ।
पुनरुत्थान पार्टी नेपालको अगुवाइमा आयोजित ¥याली शान्तिबाटिकाबाट सुरु भई बागबजार, पुतलीसडक, कान्तिपथ, केशर महल, दरबारमार्ग हुँदै पुनःशान्तिबाटिकामा कोणसभा गरी सम्पन्न भएको थियो ।
अधिवक्ता कोषराज काफ्लेले राजतन्त्रलेसमेत दिएको अस्थायी शिक्षकको अधिकार लोकतन्त्रमा दलले खोसेको आरोप लगाउनुभयो ।
पार्टीका अध्यक्ष गोविन्दबहादुर पौडेलले अहिलेको विज्ञापन खारेज गरेर अस्थायी शिक्षकको शतप्रतिशत दरबन्दीमा पुनःअर्को आन्तरिक विज्ञापन नखोलेसम्म आन्दोलन जारी रहने उद्घोष गर्नुभयो ।
