काठमाण्डौ ,१२ चैत ।
नेपालमा रहेका भारतीय प्रतिबन्धीत १ हजार र ५ सयको नोट सटहिबारे जानकारी लिन आज भारतीय टोलि नेपाल आउदै छ ।
भारतीय अर्थ मन्त्रालय र रिजर्भ बैंक अफ ईन्डिया (आरबीआई) को ४ सदस्यीय टोली आज अपरान्ह नेपाल आउन लागेको हो ।
भारतीय प्रधानमन्त्री नरेन्द्र मोदिले गत नोभेम्बर ८ मा राष्ट्रका नाममा संबोधन गर्दै ५ सय र १ हजारका नोटमा प्रतिबन्ध लगाएपछि नेपालमा पनि यसको प्रभाव परेको थियो ।
भारतले अचानक नोटमाथि प्रबिन्ध लगाएपछि नेपालमा रहेका नोटहरु सटहि नहुँदा व्यावसायी र सर्वसाधारण मर्कामा परेका थिए ।
भारतमा डिसेम्बर ३० सम्म प्रतिबन्धीत नोट सटहिका लागी समय दिएपनि नेपालमा भने लागु भएको थिएन ।
नेपाल आउन लागेको उक्त टोलीले आजै अपरान्ह राष्ट्र बैंकका पदाधिकारीसँग नोट सटहिबारे छलफल गर्नै छ ।
भारतीय टोलीले नेपालमा रहेको प्रतिबन्धित नोटबारे बुझ्ने र सटहिको व्यावस्थाबारे बुझ्ने र सटहिको व्यावस्थाबारे निर्णय गर्ने राष्ट्र बैंकले जनाएको छ ।
नेपालमा व्यावसायी र सर्वसाधारणबाहेका बैंक तथा बित्तिय सस्थामा मात्रै ३ करोड हाराहारीमा भारतीय प्रतिवन्धित १ हजार र ५ सयका नोट रहेको राष्ट्र बैंकका सहप्रवत्ता राजेन्द्र पण्डितले जानकारी दिनुभयो ।
