काठमाडौँ, २८ माघ ।
तेस्रो अन्तर्रा्ष्ट्रिय निर्माण सामग्री प्रदर्शनी आजदेखि राजधानीको भृकुटीमण्डपमा सुरु भएको छ ।
फागुन १ गतेसम्म चल्ने प्रदर्शनीमा स्वदेशी र विदेशी निर्माण सामग्रीका कक्ष प्रदर्शनमा राखिएका छन् । प्रदर्शनीमा हेभी इक्विपमेन्ट पनि राखिएको छ ।
निर्माण सामग्रीसम्बन्धी जानकारी दिने उद्देश्यले गरिएको प्रदर्शनीको उद्घाटन गर्दै भौतिक पूर्वाधार तथा यातायात मन्त्री रमेश लेखकले ठूला पुल र सडक निर्माणमा हेभी इक्विपमेन्टको प्रयोग हुन नसकी दुई चारजनाले काम गरेजस्तो गर्नाले आयोजना समयमै सम्पन्न हुन नसकेको बताउनुभयो ।
अर्बौंका आयोजना गुणस्तरीय रुपमा समयमै सम्पन्न हुनपर्ने भएपनि नेपालमा राष्ट्रिय निर्माण क्षमता बढ्न नसकेको उहाँले बताउनु भयो । यसले गर्दा विकास निर्माणका काम अलपत्र हुने गरेको उहाँको भनाई छ ।
मन्त्री लेखकले निर्माण व्यवसायीको प्राविधिक क्षमता बढाउन सरकार पनि तयार रहेकोे बताउनुुभयो ।
सो अवसरमा भारतीय राजदूतावासका विनयकुमार, भारतीय निर्माण सामग्री कम्पनी फ्युचरेक्सका प्रेम अन्वेषी र नवीन महासेठलगायतका वक्ताले भूकम्पपछिको पुनःनिर्माणका लागि प्रदर्शनीले सहयोग पु¥याउने विश्वास व्यक्त गर्नुभयो ।
प्रदर्शनी विसं २०७१ देखि प्रत्येक वर्ष आयोजना गर्ने गरिएको छ ।
