२१ माघ काठमाण्डौं । सफल युवा उद्यमीहरु चौधरी ग्रुपको सिजि कर्पका प्रबन्ध निर्देशक निर्वाण चौधरी र निम्बसका प्रबन्ध निर्देशक आनन्द बगरियाले आज ४ सय भन्दा बढी उद्यम शिलतामा प्रवेश गर्न चाहने युवालाई सम्बोधन गर्दै न्ेपालमा नयाँ युवा उद्यमीहरुका व्यवसायिक योजनामा आफुहरुले व्यक्तिगत र संस्थागत रुपमा लगानी गर्ने घोषणा गर्नु भएको छ ।
हिमालयन क्लाईमेट इनिसिएटिभले काठ्माण्डौंमा आज आयोजना गरेको फाइनान्स योर ड्रिम कार्यक्रममा बोल्दै आनन्द बगरिया र निर्वाण चौधरीले उक्त घोषणा गर्नु भएको हो । गैर नाफा मुलक संस्था हिमालयन क्लाईमेट इनिसिएटिभ— एचसिआई ले काठ्माण्डौं र नेपालगन्जमा सामाजिक र व्यावसायिक उद्यमसिलताको विकास तथा विस्तार केन्द्र सञ्चालन गर्दै आएको छ । निर्वाण र आनन्द दुवै जना एचसिआईका सह संस्थापक हुनुहुन्छ ।
कार्यक्रममा बोल्दै एचसिआईका संस्थापक प्रशान्त सिंहले नेपालबाट ठुलो संख्यामा बाहिरि रहेका युवाहरुका लागि रोजगारीका लागि कयौं अवसरहरुको सिर्जना गर्नु अहिलेको सबै भन्दा महत्वपुर्ण सामाजिक अनिवार्यता भएको बताउनु भयो ।
श्रृङखलाबद्ध रुपमा आयोजना हुने फाइनान्स योर ड्रिम कार्यक्रमको आज पहिलो श्रृङखला आयोजना भएको हो । यस कार्यक्रमले नेपालमा स्रोत—साधन सम्पन्न व्यापारिक तथा व्यवासायिक क्षेत्रका व्यक्तित्वहरु लाई जुटाएर नयाँ युवा उद्यमीहरुको पारिस्थितिक पद्धतिको सुधार र उन्नतिका लागि प्रत्यक्ष योगदान गर्नमा सहयोग गर्नेछ ।
कार्यक्रममा चौधरी ग्रुपको सिजि कर्पका निर्देशक निर्वाण चौधरीले सुचना प्रविधिका क्षेत्रमा रुची भएका नयाँ युवा उद्यमीलाई सहायता गर्न चौधरी ग्रुप प्रतिबद्ध भएको बताउनु भयो ।
सोही अवसरमा आफ्नो धारणा राख्दै निम्बस समुहका प्रबन्ध निर्देशक आनन्द बगरियाले नयाँ उद्यमसिलता दुवै तर्फबाट विकास हुन सक्ने बताउनु भयो । पहिले उद्यमीहरुबाट अवधारण आएपछि मात्र लगानिकर्ताले लगानी गर्छन भन्ने सामान्य धारणा रहेको बताउनु भयो ।
