काठमाडौँ, १५ माघ ।
नेपाल चार्टर्ड एकाउन्टेन्ट्स संस्थाले आगामि माघ १८ गते चार्टर्ड एकाउन्टेन्टहरूको प्रथम दीक्षान्त समारोह आयोजना गर्ने भएको छ ।
नेपाल प्रज्ञा–प्रतिष्ठानमा हुने दीक्षान्त समारोहको राष्ट्रपति विद्यादेवी भण्डारीले उद्घाटन गर्ने कार्यक्रम छ ।
संस्थाबाट उत्तीर्ण चार्टर्ड एकाउन्टेन्टलाई दीक्षित र सम्मान गरिने संस्थाका अध्यक्ष महेश खनालले बताउनु भयो ।
सो अवसरमा राष्ट्रको आर्थिक सुशासनका लागि चार्टर्ड एकाउन्टेन्ट्सहरूको योगदान, सम्भावना र चुनौतीबारे छलफल पनि हुने उहाँले बताउनु भयो ।
हाल चार्टर्ड एकाउन्टेन्सी शिक्षाको विभिन्न तहमा करिब १५ हजार विद्यार्थीले यस शिक्षाको लागि आवेदन दिएका छन् । सो संस्थामा हाल एक हजारभन्दा बढी चार्टर्ड एकाउन्टेन्ट्स तथा सात हजारभन्दा बढी दर्तावाला लेखापरीक्षक सदस्य छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
