काठमाडौँ, ११ माघ । नेपाल वायु सेवा निगमले चीनबाट आयात गर्न लागेको दुईवटा जहाज आगामि माघ १५ गते काठमाण्डौ आईपुग्ने भएको छ ।
निगमका महाप्रबन्धक सुगतरत्न कङ्शाकारका अनुसार एम ए ६० र वाइ १२ जहाज शािवार काठमाण्डौ आईपुग्नेछ ।
एम ए ६० जहाज बढी यात्रु हुने सुगम क्षेत्रमा र वाइ १२ जहाज पहाडी क्षेत्रमा उडान गर्ने निगमको तयारी छ ।
यसअघि ल्याइएका दुईवटा जहाजको प्राविधिक रुपमा विभिन्न समस्या उत्पन्न भएपछि यसपटक प्राविधिक उपकरण तथा स्पेयर पार्टससमेत काठमाडौँमा नै उपलब्ध गराउने चिनियाँ पक्षको प्रतिबद्धता आएको महाप्रबन्धक कंशाकारले जानकारी दिनुभयो ।
चीनको अनुदानमा दिएको दुईवटा जहाज यसअघि नै आइसकेको छ भने अब आउने जहाज भने ऋण सम्झौतामा ल्याउन लागिएको हो । एम ए ६० जहाजमा ५६ सिट तथा वाइ १२ मा १८ सिट रहेको छ ।
यस्तै निगमको अन्तर्रा्ष्ट्रिय उडानका लागि अमेरिकन कम्पनी एएआर कर्पोरेसनसँग निगमले प्रारम्भिक सम्झौताका लागि आवश्यक गृहकार्य गरिरहेको छ ।
यसै साताभित्र प्रारम्भिक सम्झौता गर्नेगरी तयारी गरिएको छ । सो सम्झौतालगत्तै निगमले बैना रकम पठाउने महाप्रबन्धक कंशाकारले जानकारी दिनुभयो ।
