काठमाडौँ, १६ पुस । आगामी आइतबारदेखि भारतबाट थप ४० मेगावाट विद्युत् आउने भएको छ ।
ऊर्जामन्त्री जनार्दन शर्मा र भारतीय ऊर्जा राज्यमन्त्री पियूष गोयलबीच भएको शुक्रवार साझ भएको टेलिफोन वार्तामार्फत आईतवारदेखि विद्युत् आयात गर्ने सहमती भएको मन्त्रालयका प्रवक्ता दिनेश घिमिरेले जानकारी दिनुभयो ।
भारतबाट आयात हुने थप ४० मेगावाट विद्युत् ढल्केबर– मुजफ्फरपुर ४०० केभी प्रसारण लाइनबाट आयात गरिनेछ ।
नेपालले भारतबाट हाल ल्याईरहेको भइरहेको ८० मेगावाट पनि सोहि प्रसारण लाइनबाट नै आयात भईरहेको छ ।
टेलिफोन वार्तामा टनकपुर विन्दुबाट समेत थप १५ मेगावाट आयात गरिने र प्रसारण लाइन मर्मतसम्भारका लागि इआरएस टावर भारतबाट खरिद गरिने सहमति भएको प्रवक्ता घिमिरेले जानकारी दिनुभयो ।
सहमतिअनुरुपको विद्युत् आयातपछि नेपालले भारतबाट आयात गर्ने विद्युत्को परिमाण करिब तीन सय ८० मेगावाट पुग्नेछ ।
