काठमाडौं, पुस १५ । नेपालको निकासी क्षेत्रमा महत्वपूर्ण भूमिका निर्वाह गर्दै आइरहेको उनीफेल्टले अन्तर्रा्ष्ट्रिय बजार लिँदै गएको छ ।
उनीफेल्टका उत्पादन युरोपेली बजारमा वार्षिक झन्डै डेड अर्बको हाराहारीमा निकासी हुने गरेको फेल्ट उद्योग क्षेत्रमा क्रियाशील उद्यमी एवं निर्यातकर्ताहरुको छाता संगठन नेपाल उनीफेल्ट उत्पादक तथा निर्यातक संघले जनाएको छ ।
तर यो उत्पादनका लागी चाहिने कच्चापदार्थको आयात भने न्यूजिल्यान्डबाट हुने गरेको छ । संघको वार्षिक साधारणसभाका अवसरमा उनीफेल्टले अन्तर्रा्ष्ट्रिय बजार लिँदै गएको जानकारी गराइएको हो ।
उद्योगमन्त्री नवीन्द्रराज जोशीले नेपाली उद्योगी–व्यावसायीहरुले उद्योगको विकासभन्दा बढी आयात व्यापारलाई प्राथामिकता दिएकाले नेपालमा उद्यमशीलता छ कि छैन भन्ने प्रश्नचिह्न खडा भएको बताउनु भयो ।
उहाले नेपाली उद्योगपतिहरुमा रहेको व्यक्तिगत लोभकै कारण उद्योगको विकासमा साझा धाराणा आउन नसकेको टिप्पणी गर्नुभयो ।
मन्त्री जोशीले नेपालमा व्यावसाय गर्ने आधारभूतस्तम्भ निर्माण गर्नका लागी उद्योगसम्बन्धी दुईओटा ऐन पास भइसकोको र अरु बाँकी ऐन पास हुन बाँकी रहेकाले अब भिजनसहित उद्योगी–व्यवसायीलाई आउन आग्रह पनि गर्नुभयो ।
कार्यक्रममा नेपाल उद्योग वाणिज्य महासंघका अध्यक्ष पशुपति मुरारकाले मुलुकको औद्योगिक विकास र निर्यात प्रवद्र्घनका सवालमा सरकारको कदम सन्तोषजनक नरहेको गुनासो गर्नुभयो ।
यस्तै, नेपाल चेम्बर अफ कमर्सका अध्यक्ष राजेशकाजी श्रेष्ठ उद्योग वाणिज्य महासंघ निर्यात प्रवद्र्घन समितिका सभापति अनुपबहादुर मल्ललगायतले निकासी व्यापारमा देखिएका वर्तमान समस्या र चुनौती विषयमा आ–आफ्नो धारणा राखेका थिए ।
