काठमाडौं, पुस १२ । बहुप्रतिक्षित मेलम्ची खानेपानी आयोजनाले अब ५ साढे पाँच किलोमिटरमात्रै सुरुङमार्ग निर्माण कार्य बाकी रहेको जनाएको छ ।
कुल २७ किलोमिटरमध्ये अब साढे पाँच किलोमिटरमात्र निर्माण गर्न बाँकी रहेको खानेपानी तथा सरसफाइ मन्त्रालयका सचिव भीमप्रसाद उपाध्यायले जानकारी दिनुभयो ।
उहाका अनुसार यहि अनुातमा काम भए २०७४ साल भदौ महिनाभित्रमा सुरुङमार्ग खन्ने काम सम्पन्न हुनेछ ।
सुन्दरीजलदेखि सिन्धुसम्मको करिब साढे ९ किमिमध्ये १० मिटरमात्र टनेल निर्माणकार्य बाँकी रहेको जानकारी दिदै उहाले यो एक हप्ताभित्र निर्माण सम्पन्न हुने बताउनु भयो ।
साथै, सिन्धुदेखि ग्यालथोक र ग्यालथोकदेखि अम्बास्थानसम्म पनि निर्माण कार्य द्रुतगतिमा भइरहेको सचिव उपाध्यायले बताउनु भयो ।
सन् २००९ मा टनेल निर्माणकार्यको जिम्मा पाएको चिनियाँ कम्पनीले काम नगरेपछि सरकारले सन् २०१३ मा सो सम्झौता रद्द गरी इटालियाली कम्पनीलाई जिम्मा दिएको थियो ।
रु २४ अर्बको लगानिमा निर्माण हुने टनेलबाट करिब १७ हजार करोड लिटर पानी सुन्दरीजल पानी प्रशोधन केन्द्रमा झर्नेछ । हाल सो प्रशोधन केन्द्रको निर्माण सम्पन्न भइसकेको छ ।
टनेलको काम सम्पन्न भएपछि उपत्यकावासीले आगामी असोजसम्ममा मेलम्चीको पानी उपयोग गर्न पाउने मन्त्रालयले जनाएको छ ।
