काठमाडौं , मंसिर ९ ।
वरिष्ठताका आधारमा आईओएमको डिन नियुक्ति गर्नुपर्ने माग राखि दशौ पटक अनशन बस्नुभएका प्रा डा. गोविन्द केसीको जिवन रक्षको माग गर्दै नेशनल रेजिडेन्ट डक्टर्स एशोसिएसनले बहिरंग सेवा नै बहिस्कार गर्ने भएको छ ।
१२ दिनदेखि अनसनरत प्रा.डा. गोविन्द केसीको मागप्रति सरकारले कुनै चासो नदेखाएको भन्दै डक्टर्स एशोसिएसन आबद्ध चिकित्सकहरु भोलीदेखि त्रिवि शिक्षण अस्पताल (टिचिङ)को बहिरंग विभागमा नजाने जनाएका हुन् ।
मेडिकल शिक्षा र समग्र स्वास्थ्य क्षेत्र सुधारको माग गर्दै १२ दिनदेखि अनसनमा रहेका प्रा.डा. गोविन्द केसीको जीवनरक्षाका लागि आफूहरु शिक्षण अस्पतालको बहिरंग विभाग नजाने निर्णय गरेको डक्टर्स एशोसिएसनका अध्यक्ष लिजन महर्जनले बताउनु भयो ।
साथै डा केसीको माग तत्काल सम्बोधन नभए कडा आन्दोलनमा उत्रने समेत चेतावनी दिएका छन् । अविलम्ब वार्ता समिति बनाएर केसीका जनपक्षीय माग पूरा गर्न उनीहरुको माग छ ।
केसीको माग सम्बोधनको माग गर्दै चरणबद्ध आन्दोलनमा उत्रिएका रेडिडेन्ट डक्टरहरुले यसअघि हातमा कालोपट्टी बााधेर काम गदै आएका थिए ।
