काठमाण्डौ ,४ मंसिर ।
दशौ पटक अनशनमा बस्नुभएका प्रा.डा. गोविन्द केसिको समर्थन गर्दै रेजिडेन्ट चिकित्सकहरुले आज(शनिबार) र्याली निकालेको छ ।
नमा चिकित्सा शास्त्र अध्ययन संस्थानबाट रेजिडेन्ट चिकित्सक, एमबीबीएसका विद्यार्थी, सर्वसाधारण लगायतले संयुक्त र्याली निकाली बालुवाटार पुगेर केसीको माग पत्र प्रधानमन्त्री पुष्पकमल दाहाललाई बुझाएका छन् ।
डा.केसीको समर्थन र माफियाको विरोधमा नारा लगाउँदै वालुवाटार पुगेका नेशनल रेजिडेन्ट डाक्टर्स एसोसिएसनका अध्यक्ष डा.लिजन महर्जनले सरकारले डा.केसीको माग लाइ सम्बोधन नगरे थप कडा पाइला चाल्न बाध्य हुने चेतावनी पनि दिएका छन् ।
यसैबीच , केसीको स्वास्थ्य अवस्था भने बिग्रदै गएको उपचारमा संलग्न चिकित्सकले जनाएका छन् ।
केसीलाई मांसपेशीको दुख्ने, चक्कर आउने, कहिलेकाहिँ छाती दुख्ने, मुटुको चाल अस्थिर हुने लगायतका समस्या देखिएको जनाईएको छ ।
केसी एमबीबीएसको अध्ययन शुल्क ३५ लाख कायम गर्नु पर्ने लगायतका नौं बुँदे माग सहित सात दिनदेखि आमरण अनसन बसिरहनुभएको छ ।
